"Zirə" ilə oyundan sonra istirahətə yollanan AZAL-da qış hazırlıq planları dəqiqləşib. Sportnet.az-ın məluçatına görə, baş məşqçi Tərlan Əhmədov rəhbərliyə təqdim edtdiyi hazırlıq proqramına əsasən toplanış 3 mərhələdən ibarət olacaq.
Məşqlər yanvarın 5-də başlayacaq. İlk gündə tibbi baxışdan keçiriləcək komandanın üzvləri ayın 6-da meydançaya çıxacaq. Birinci mərhələ yanvarın 10-da yoldaşlıq görüşü ilə yekunlaşacaq. 11-24 yanvar aralıgında isə növbəti təlim-məşq toplanışına start veriləcək.
Bu müddət ərzində məşqlərlə yanaşı ən azı 4 yoxlama oyunu da keçiriləcək. Artıq rəqiblərin axtarışına başlanılıb. Çox güman AZAL hazırlıq dövründə ölkə xaricinə yollanmayacaq "Kəpəz"lə iki oyunda üz-üzə gələcək.
Klublar arasında ilkin danışıqlar aparılır və bunun nəticəsindən asılı olaraq oyun tarixləri müəyyənləşəcək. "Sumqayıt" və "Rəvan" kimi elita klubları da Bakıda qalsa, onda bu sınaqçı-rəqiblərə də müraciət olunacaq.
