İspaniyanın "Real Madrid" klubunun futbolçusu Kriştianu Ronaldu yenidən Mərakeşə kikboksçu dostu Badr Harinin yanına uçub. Sportnet.az-ın məlumatına görə, bu, "Espanyol"la İspaniya çempionatı matçından bir neçə saat sonra baş verib.
Portuqaliyalı hücumçunun "het-trik"ini ən yaxşı dostu ilə birgə qeyd etmək üçün bu addımı atdığı güman olunur. Yanvarın 31-də keçirilmiş qarşılaşmada "kral klubu" 6:0 hesabı ilə qalib gəlib.
Qeyd edək ki, "Real Madrid"in prezidenti Florentino Pereslə baş məşqçi Zinəddin Zidan bir həftə öncə Kriştianu Ronaldunun başqa ölkəyə daimi səfərlərinə mənfi yanaşdıqlarını bildiriblər. Hətta onlar Ronalduya qadağa da qoyublar. Amma hələ də futbolçunun qarşısını ala bilmirlər. Bəzi mətbu orqanlar Ronaldu ilə Badr Harinin görüşü və bu yaxınlarda üzə çıxan fotolarına əsasən, portuqaliyalı ulduzun "mavi" olması kimi dəyərləndiriblər.
