"Qəbələ” komandası Azərbaycan Premyer Liqasında XXIV turun "Neftçi” ilə qarşılaşmasının hazrlıqlarına start verib. Sportnet.az-ın məlumatına görə, "qırmızı-qaralar” son məşqini Bakı Olimpiya Stadionunda gerçəkləşdirib.
Hazırlıq prosesinə zədə üzündən bir müddət komandadan ayrı düşən Aleksey Antonov da qatılıb. Qısa müddət fərdi məşqlə kifayətlənən ukraynalı hücumçu kollektiv çalışmalarda iştirak edib. Bu gün Roman Qriqorçukun baş məşqçi olduğu komanda "Bakcell Arena"da hazırlıq keçəcək.
Qeyd edək ki, martın 5-də baş tutacaq "Neftçi” – "Qəbələ” oyunu saat 15:00-da start götürəcək.
