Əsgər Abdullayev "Neftçi"nin baş məşqçi postunda Azərbaycan Premyer Liqasında cəmi 12 tur duruş gətirə bilib. Sportnet.az-ın məlumatına görə, təcrübəli mütəxəssis bu vəzifədə XII turda "Rəvan"a 2:3 hesablı məğlubiyyətdən sonra istefaya göndərilmiş Samir Əliyevi əvəzləyib.
O, elə ilk sınağında "Xəzər Lənkəran"ı səfərdə 2:0 hesabı ilə yenib. Amma Abdullayevin gedişi də elə Lənkəran təmsilçisi ilə Azərbaycan Kubokunun 1/4 final mərhələsindəki cavab görüşü ərəfəsinə təsadüf edib.
Abdullayevin rəhbərliyi altında "Neftçi" sonuncu qələbəsini də XXI turda "Xəzər Lənkəran" üzərində qazanıb. Bundan sonra çempionatın 3, ölkə kubokunun 1 matçında flaqman məğlub olub. Ümumiyyətlə, "Neftçi" artıq istefaya göndərilmiş mütəxəssisin dövründə "Xəzər Lənkəran"ı səfərdə 2:0, evdə 1:0 hesabı ilə yensə də, kubokda 2:3 hesabı ilə yenilib.
"Neftçi" Abdullayevlə Premyer Liqada 5 qələbə, 4 məğlubiyyət, 3 məğlubiyyət alıb. Azərbaycan Kubokunda isə 1/8 finalda "Qaradağ Lökbatan"a 8:0 hesabı ilə qalib gələn flaqman ilk 1/4 final matçında "Xəzər Lənkəran"a yenilib.
