Rumıniyanın "Poli Timişoara" klubu baş məşqçi Florin Marinlə yollarını ayırıb. Sportnet.az-ın məlumatına görə, bundan sonra komandaya Dorinel Muntyanu rəhbərlik edəcək.
Klubun rəsmi saytında yer alan açıqlamada ciddi dəyişikliklər səbəbindən idman meneceri Daniel Stankiunun da vəzifəsindən göndərildiyi bildirilir.
"Poli Timişoara" cari mövsümdə 26 oyundan 25 xal toplayaraq ölkə çempionatının çempionlar qrupuna vəsiqə qazana bilməyib.
Qeyd edək ki, Muntyanu 2014-cü ilin iyununda "Qəbələ" ilə bir illik müqavilə imzalayıb. lakin uğursuzluq səbəbindən 48 yaşlı mütəxəssislə həmin ilin dekabrında yollar ayrılıb.
