Azərbaycanlı iş adamı Hafiz Məmmədov Fransanın "Lans" futbol klubundakı səhmlərinin böyük hissəsindən imtina edib. Sportnet.az-ın "L Equipe" nəşrinə istinadən məlumatına görə, H.Məmmədov klubun səhmdarı kimi qalmağa razılıq verib.
Amma onun payı azalıb. Əvəzində kluba avropalı sərmayəçi tapılıb. "Lans"ın prezidenti Jerve Martel həmin şəxsin 3 il müddətinə 21 milyon avro sərmayə qoymağa hazır olduğunu bildirib. Bu məbləğ hər ilə bərabər bölünəcək. Lakin J.Martel həmin şəxsin adını açıqlamayıb. O, sadəcə, yeni himayəçinin aprelin 15-dən işə başlayacağını dilə gətirib.
Qeyd edək ki, 2015-ci ilin sonlarında "Lans"ı belçikalı iş adamı Qreqori Makenin himayəyə götürəcəyi bildirilirdi.
