"Zirə"nin baş məşqçisi Adil Şükürov Premyer Liqanın 28-ci turunda "Sumqayıt"a qalib gəldikləri oyun (1:0) haqda fikirlərini açıqlayıb. Sportnet.az-ın məlumatına görə, paytaxt klubunun çalışdırıcısı qarşılaşmadan sonra keçirilən mətbuat konfransında bunları söyləyib:
"İlk növbədə vətənimiz uğrunda şəhid olan əsgərlərimizə Allahdan rəhmət diləyirik.
Hava əlverişli deyildi. Bilirdik ki, ağır oyun olacaq. Komandam xarakter göstərdi. Nəticədə qalib gəldik.
Rəqibə qarşı 2 qol vuranda da 5 müdafiəçi ilə oynadıq. Burada da elə. Oyuna sonradan girən futbolçularımız da oyunu gücləndirdi. Hər oyuna qələbə üçün çıxırıq. Bu matçda da qələbə qazanmağı bacardıq".
Qol epizodu zamanı yaşananlara gəlincə, Nurlana bununla bağlı heç bir tapşırığımız olmamışdı. Öz təxəyyülünün məhsulu idi".
Mənbə: Futbolinfo.az
