İngiltərənin "Mançester Yunayted" klubunun yeni baş məşqçisi Lui Van Qaal artıq Mançesterə gəlib. Sportnet.az-ın klubun rəsmi saytına istinadən məlumatına görə, holland mütəxəssis dünən yeni komandasını təhvil alıb.
Hollandiyalı mütəxəssis sabah "qırmızı şeytanlar"ın baş məşqçisi kimi ilk mətbuat konfransını keçirəcək.
Qeyd edək ki, Van Qaalın sonuncu iş yeri Hollandiya yığması olub. 63 yaşlı mütəxəssis "narıncılar"la Braziliyada keçirilən dünya çempionatında bürünc medal qazanıb.
