AZAL-da zədə epidemiyası davam edir. Sportnet.az-ın məlumatına görə, "Rəvan"la hazırda davam edən matçda komandanın birdən-birə 2 futbolçusu sıradan çıxıb.
Belə ki, İlqar Ələkbərov hələ ilk hissədə zədələndiyindən onun yerinə yarımmüdafiənin mərkəzinə Kamal Mirzəyev çıxıb. Ancaq Kamal da matçı davam etdirə bilməyib. Bir müddət öncə zədəli olan Mirzəyevin qayıdışı uğursuz olub və onun hələ fasiləyədək yenidən xəsarət aldığı bəlli olub.
Belə olan halda, baş məşqçi Tərlan Əhmədov taktiki dəyişiklik etməyə məcbur olub. Belə ki, Mirzəyevin yerinə meydana çıxan Adan Koronado hücumda yer alıb, Aleksandr Quruli isə ön xətdən yarımmüdafiənin mərkəzinə çəkilib.
Qeyd edək ki, Murad Səttarlı zədə üzündən "Rəvan"la matçı tribunadan izləyir.
