İspaniya "Barselona"sının hücumçusu Lionel Messi klubla yeni müqavilə bağlayıb. Sportnet.az-ın klubun rəsmi saytına istinadən məlumatına görə, argentinalı hücumçu anlaşmasını 2018-ci ilədək uzadıb.
Yerli mətbuat Messinin vergilər çıxılmaqla ilə 20 milyon əmək haqqı alacağını yazıb. Əvvəlki müqavilə üzrə isə ulduz futbolçu ildə 14,6 milyon avro, habelə, 15 milyon avro reklam müqavilələrindən gəlir əldə edirdi. Yeni sövdələşmə "Barsa"nın prezidenti Xosep Mariya Bartomeu və oyunçunun atası Xorxe Messinin iştirakı ilə imzalanıb.
Qeyd edək ki, Lionel Messi bu mövsüm İspaniya çempionatında 28 qol vurub.
