Azərbaycan Kubokunda "Qəbələ" və "Neftçi" komandaları arasında keçirilən Azərbaycan Kubokunun yarımfinal mərhələsinin cavab görüşündə insident baş verib. Sportnet.az-ın məlumatına görə, 61-ci dəqiqədə meydan sahiblərinin futbolçusu Samir Zərgərov rəqibin cərimə meydanında qonaq komandanın futbolçusu Jairo Rodrigesi keçmək istərkən, özünü yerə atıb.
Braziliyalı legioner Zərgərova simulyasiyaya yol verməsini irad tutub. Hadisə yerinə onun komanda yoldaşı Erik Ramos özünü çatdırıb və o, "Qəbələ"nin hücumçusu ilə kəllə-kəlləyə gəlib.
Olaya müdaxilə edən baş hakim Fariz Yusifov Zərgərovla Ramosa sarı vərəqə göstərib.
Qeyd edək ki, hazırda hesab bərabərdir - 1:1.
