Almaniya millisinin üzvü Məsut Özil adını tarixə yazdırdığını söyləyib. Sportnet.az-ın məlumatına görə, türk əsilli futbolçu Braziliyada baş tutan dünya çempionatından danışarkən bundan böyük uğurun olmadığını bildirib.
UEFA prezidenti Mişel Platininin Argentina ilə keçirilən final matçından sonra ondan forma istədiyini söyləyən 25 yaşlı futbolçu bu müraciəti geri çevirmədiyini və məmnuniyyətlə formanı Platiniyə verdiyini deyib: "Dünyanın ən yaxşı futbolçularından biri və UEFA prezidenti məndən forma istədi. Bu təklifi geri çevirə bilməzdim".
