"İnter"in Avropa Liqasının II təsnifat mərhələsindəki rəqibi İsveçin "Elfsborq" klubu ölkə çempionatında növbəti oyununu keçirib. Sportnet.az-ın məlumatına görə, "Norrçöpinq"in qonağı olan Yan Mianın başçılıq etdiyi komanda 2:4 hesablı məğlubiyyətlə üzləşib.
56 dəqiqəyə rəqib qapısından 4 top keçirən "Norrçöpinq" matçın 33 və 58-ci dəqiqəsində məyus olub. Meydan sahiblərinin heyətində Kuyoviç dubl edib.
Qeyd edək ki, "Şəfa" stadonunda baş tutacaq "İnter" - "Elfsborq" görüşü iyulun 24-də keçiriləcək. Matç 21:00-da başlayacaq.
