AVRO-2016-da Çexiya - Xorvatiya oyunu yarımçıq dayandırılıb. Sportnet.az-ın məlumatına görə, buna səbəb meydana fişənglərin atılması olub. Xorvat azarkeşlərin meydana atdıqları petardalar matçı yarımçıq qoyub. Hətta stadionda partlayış səsləri eşidilib.
Xorvatiya yığmasının futbolçuları tribunlara tərəf müraciət edərək öz fanatlarını sakitləşdirməyə çalışıblar. Baş hakim Mark Klattenburq isə oyunu bərpa etməyə tələsməyib və matç təxminən 5 dəqiqə dayanıb.
