AVRO-2016-da ilk dubl olub. Sportnet.az-ın məlumatına görə, onun müəllifi İspaniya yığmasının hücumçusu Alvaro Morata olub. "Yuventus"un gənc futbolçusu Türkiyə millisi ilə hazırda davam edən matçda artıq 2 qol vurub. O, 34 və 48-ci dəqiqələrdə Volkan Babacanın qoruduğu qapıya yol tapıb.
Hesabda 3:0 irəlidə olan ispanlar cari turnirdə ilk böyükhesablı qələbəni reallaşdırmağa yaxındırlar. AVRO-2016-da ən məhsuldar oyun, 4 qolun vurulduğu ilk matç da bu qrupda olub. Söhbət 2:2 hesabı ilə nəticələnən Çexiya - Xorvatiya qarşılaşmasından gedir.
