Azərbaycan milli komandasının baş məşqçisi Robert Prosineçki Fransada keçirilən Avropa çempionatında daha bir oyunu izləyib. Sportnet.az-ın məlumatına görə, 47 yaşlı mütəxəssis Almaniya və Şimali İrlandiya yığmaları arasında keçirilmiş qarşılaşmanı Parisdəki "Park de Prens" stadionundan canlı izləyib.
Görüş DÇ-2018-in seçmə mərhələsində Azərbaycanla eyni qrupda mübarizə aparacaq Almaniyanın minimal hesablı qələbəsi ilə başa çatıb.
Qeyd edək ki, R.Prosineçki daha öncə İspaniya - Çexiya (1:0), Şimali İrlandiya - Ukrayna (2:0) və Xorvatiya - Çexiya (2:2) oyununu da stadiondan izləyib.
