Gəncənin "Kəpəz" komandası tarixində ilk dəfə avrokuboklarda mərhələ adlayıb. Sportnet.az-ın məlumatına görə, Şahin Diniyevin baş məşqçi olduğu komanda Avropa Liqasının I təsnifat mərhələsində Moldova "Daçiya"sını mübarizədən kənarlaşdırıb.
Bakıdakı görüşdə 0:0 hesablı heç-heçə edən gəncəlilər Speya şəhərindəki cavab görüşündə minimal hesabla qalib gəlib - 1:0. Yeganə qolu 57-ci dəqiqədə Dario Frederiko vurub.
Beləliklə, 16 illik fasilədən sonra avrokuboklara qatılan "Kəpəz" II təsnifat mərhələsinə yüksəlib. Növbəti mərhələdə rəqib "Admira Vakker" (Avstriya) - "Spartak" (Miyava, Slovakiya) cütünün qalibi olacaq.
Oyunun ilk 30 dəqiqəlik bölümü "Daçiya"nın üstünlüyü şəraitində keçir. Meydan sahibləri bir neçə dəfə fərqlənmək imkanı əldə ediblər.
Lakin "Kəpəz"in qapıçısı Tadas Simaitisin sayıqlığı və meydan sahiblərinin qeyri-dəqiqliyi nəticəsində top tora daxil olmayıb. "Kəpəz" isə real qol imkanını 30-cu dəqiqədə yaradıb. Julyen Ebah əks-hücum zamanı topla irəlilədikdən sonra rəqib qapısına zərbə endirib. Topun tora daxil olmasına "Daçiya"nın müdafiəçisi mane olub.
İlk yarı qolsuz tamamlanıb.
İkinci hissə də eyni ssenari üzrə davam edib. Amma "Daçiya"nın hücumları kəsərsiz olub. Əvəzində "Kəpəz"in hücumçusu Dario Frederiko 57-ci dəqiqədə hesabı açıb. Onun cərimə meydanı xaricindən endirdiyi zərbədən sonra Dumitru Çelyadnik topu əlindən buraxıb. Nəticədə top tora daxil olub - 1:0.
Hazırda oyun bu hesabla davam edir.
______________________________________________________
Şahin Diniyevin komandası evdə qolsuz heç-heçə etdiyindən, ona səfərdə qollu heç-heçə də sərf edir. Gəncəlilər növbəti mərhələyə yüksələrsə, "Admira-Vakker Medlinq" (Avstriya) - "Spartak Miyava" (Slovakiya) cütünün qalibi ilə üzləşərək, ilk matçını səfərdə keçirəcək. Bir həftə öncə Avstriyadakı oyun 1:1 hesabı ilə nəticələnib.
Avropa Liqası
I təsnifat mərhələsinin cavab oyunu
7 iyul
19:00. "Daçiya" (Moldova) - "Kəpəz" (Azərbaycan) - 0:1 (İKİNCİ HİSSƏ)
Qol: Dario Federiko, 57
Baş hakim: Laşa Silaqava
Baş hakimin köməkçiləri: Zaza Menteşaşvili, Levan Todria
Dördüncü hakim: Goga Kikaçeişvili (Hamısı Gürcüstan)
UEFA nümayəndəsi: Tammo Beishuizen (Hollandiya)
Hakim-inspektor: İçko Lozev (Bolqarıstan)
Speya. Speya Stadionu
