"Kəpəz" klubu "Qarabağ"a təşəkkür edib. Klubun Müşahidə Şurasının üzvü Mikayıl Quliyev Sportnet.az-a açıqlamasında Avropa Liqasında I təsnifat mərhələsinin cavab görüşünə hazırlığa Ağdam komandası rəhbərliyinin köməklik göstərdiyini bildirib.
O, "Kəpəz"in Suraxanı qəsəbəsində "Qarabağ"a məxsus bazada məşqlər keçirdiyini xatırladaraq, onlara təmənnasız dəstəyin verildiyini vurğulayıb. Quliyev Moldova "Daçiya"sını keçərək, mərhələ adlamalarında bu amilin də rol oynadığını söyləyib.
Qeyd edək ki, "Kəpəz" "Daçiya" ilə evdə 0:0 hesablı heç-heçə etsə də, cavab görüşündə 1:0 hesabı ilə qalib gələrək, mərhələ adlayıb.
