"Neftçi"nin Müşahidə Şurasının sədri Çingiz Abdullayev Avropa Liqasının II təsnifat mərhələsində "Şkendiya" ilə cavab oyununun keçiriləcəyi Makedoniyaya yollanmayacaq. Bu haqda Sportnet.az-ın Skopyeyə ezam olunmuş əməkdaşına Müşahiə Şurasının üzvü Səməd Qurbanov məlumat verib.
O, bunu komandanın səfər matçına marağın, keçmək şanslarının az olması ilə bağlı olmadığını bildirib: "Sadəcə, Çingiz müəllim Makedoniyaya gəlməyəcək. Müşahidə Şurasının üzvü Bəhram Bağırzadə də Skopyedə olmayacaq. Şuranı cavab matçında mən təmsil edəcəyəm. İcraçı-direktorumuz Elnur Məmmədov bu gün Makedoniyaya gələcək. Bizimlə səfər çıxan Səmədağa Şıxlarov isə klubda seleksiya işləri ilə məğğul olur. Onu bu vəzifəyə təyin etmişik".
Xatırladaq ki, futbolçu karyerası "Neftçi"yə bağlı olan, Səməd Qurbanovla bir vaxtda oynayan Səmədağa Şıxlarov klubda müxtəlif vaxtlarda çalışıb, seleksiyaçı da olub.
