Futbol üzrə UEFA Super Kubokunda İspaniyanın "Real Madrid" və "Sevilya" klubları arasında keçiriləcək oyunun hakimləri müəyyənləşib. Sportnet.az-ın məlumatına görə, avqustun 9-da Norveçin Tronheym şəhərində baş tutacaq qarşılaşmaya serbiyalı hakimlər briqadası təyinat alıb.
Referi Milorad Majiçə Milovan Ristiçlə Dalibor Curceviç yan xətt, Danilo Qriyiçlə Nenad Cokiç əlavə köməkçi-hakimlər qismində yardımçı olacaqlar. Polşalı Şimon Martsinyak dördüncü hakim, Tomaş Listkeviç ehtiyat köməkçi-hakim funksiyasını yerinə yetirəcək.
Qeyd edək ki, "Lerkendal" stadionunda keçiriləcək qarşılaşma Bakı vaxtı ilə saat 22:45-də başlanacaq.
