Avropa Liqasının III təsnifat mərhələsində "Qəbələ"nin rəqibi olan "Lill" klubunun hücumçusu Eder Fransaya qayıdıb. Sportnet.az-ın məlumata görə, Portuqlaiya milli komandasının heyətində AVRO-2016-nın qalibi olan hücumçu iki həftəlik istirahətdən sonra klubunun düşərgəsinə dönüb. 28 yaşlı legioner iyulu 28də keçiriləcək "Qəbələ" ilə matça hazırlıqda iştirak edir.
Fransa yığması ilə final matçının əlavə vaxtında vurduğu qolla millisinə ilk Avropa çempionluğunu qazandıran Eder "Lill"in heyətində də fərqlənməklə qələbələr qazanmağı arzulayır.
Qeyd edək ki, "Lill" - "Qəbələ" oyunu Bakı vaxtı ilə saat 21:00-da başlayacaq.
