Avropa Liqasının III təsnifat mərhələsində "Qəbələ" və Fransanın "Lill" komandası arasında keçiriləcək cavab oyunu öncəsi baş məşqçilərin mətbuat konfransı və açıq məşqlərin vaxtı müəyyənləşib. Sportnet.az-ın məlumatına görə, avqustun 3-də oyunun keçiriləcəyi "Bakcell Arena"da ilk olaraq qonaqların çalışdırıcısı Frederik Antonetti jurnalistlər önünə çıxacaq.
Konfrans saat 19:30-da başlayacaq. Yarım saat sonra isə Fransa təmsilçisi oyunöncəsi son məşqini edəcək. Roman Qriqorçuk isə saat 20:30-da jurnalistlərin suallarını cavablandıracaq. "Qəbələ"nin sonuncu məşqi saat 21:00-da olacaq.
Qeyd edək ki, "Qəbələ" - "Lill" matçı avqustun 4-ü saat 21:00-da olacaq. Fransada keçirilmiş ilk oyun 1:1 hesabı ilə başa çatıb.
