Bir vaxtlar Türkiyənin "Fənərbağça" klubunda çıxış edən Roberto Karlos dəvət gələcəyi təqdirdə komandanın baş məşqçisi olacağını deyib. Sportnet.az-ın məlumatına görə, braziliyalı sabiq klubunda işləməkdən qürur duyacağını bildirib.
O, indiyədək heç bir təklifin olmadığını söyləyib: "Orada gözəl xatirələrim var və hər zaman İstanbula qayıtmaq istəmişəm. Gözəl heyət və yoldaşlarım vardı. Yenidən həmin günlərə qayıtmaq gözəl olardı".
Qeyd edək ki, "Fənərbağça"nın baş məşqçisi portuqaliyalı Vitor Pereyra klubdan ayrılaraq ölkəsinə qayıdıb.
