İngiltərənin "Mançester Yunayted" klubunun tanınmış futbolçusu Denis Lou xəstəxanaya yerləşdirilib. Sportnet.az-ın məlumatına görə, 76 yaşlı Lounun Mançester hava limanında ürəyi gedib.
Həmin anda Lou və həyat yoldaşının istirahətə yollanmaq üçün hava limanında olduqları, sabiq futbolçunun təyyarədə halının pisləşməsi nəticəsində huşunun itdiyi bildirilir.
Xəstəxanaya aparılan Lounun vəziyyətinin qənaətbəxş olduğu açıqlanıb.
Qeyd edək ki, futbolçu karyerası ərzində "Mançester Siti" (İngiltərə) və "Torino" (İtaliya) klublarında çıxış edən Lou 11 il "Mançester Yunayted"in (1962-1973) uğurları üçün çalışıb.
