Şotlandiyanın "Seltik" klubunun azarkeşləri Fələstinə yardım edəcək. Sportnet.az-ın məlumatına görə, artıq azarkeşlər bununla bağlı pul da yığıb.
Çempionlar Liqasının "pley-off" mərhələsində İsrailin HAPOEL klubu ilə Şotlandiyada keçirilmiş ilk oyunda yerli azarkeşlər Fələstin bayrağı açıblar. Bu səbəbdən də UEFA "Seltik"i 13 min funt cərimələmişdi. Cəzanın ardından bir araya gələn şotlandiyalı azarkeşlər bu məbləğin iki qatını toplayıb və həmin pulu fələstinli qaçqınlara verməyi qərara alıblar.
Qeyd edək ki, "Seltik" ilk oyunda 5:2 hesablı qələbə qazanıb. Cavab görüşündə Şotlandiya təmsilçisi 0:2 hesabı ilə məğlub olsa da, ümumi nəticəyə görə qrup mərhələsinə vəsiqə qazanıb.
