Çimərlik futbolu üzrə Azərbaycan milli komandası İtaliyanın Katanya şəhərində təşkil olunmuş Avropa Liqasının Super Final mərhələsində bu gün ikinci oyununu keçirib. Sportnet.az-ın məlumatına görə, milli komanda Çexiya yığması ilə qarşılaşıb.
Qarşılaşma Azərbaycanın 5:1 hesablı qələbəsi ilə yekunlaşıb və milli komanda qrup lideri olub. Oyunda Orxan Məmmədov, Ramil Əliyev, Asif Zeynalov və Elvin Quliyev fərqlənib.
Qeyd edək ki, milli komanda Türkiyəni 5:3, İngiltərəni isə 2:0 hesabı ilə məğlub edib.
