"Qəbələ"nin Avropa Liqasının qrup mərhələsində rəqibi olan Belçikanın "Anderlext" klubunun bombardiri Lukaş Teodorçuk diqqət mərkəzinə düşüb. Sportnet.az-ın məlumatına görə, "qırmızı-qaralar"a Brüsseldə 3:1 hesabı ilə qalib gəldikləri matçda hesabı açan polşalı hücumçu hazırkı klubunda icarə əsasında oynayır.
Belə ki, Teodorçuk müqavilə ilə Kiyev "Dinamo"suna məxusudr. Onun "Anderlext"də artıq mövsümün əvəvlindəcə məhsuldar oyunu klub rəhbərliyini legionerin transfer hüquqlarına birdəfəlik sahib almağa sövq edib. Buna yalnız hücumçunun ağır zədələnməsi mane ola bilər.
"Dinamo" ilə "Anderlext" arasında müqavilədə Lukaşın transfer məbləği 5 milyon avro göstərilib. Ancaq Belçika mətbuatının yazdığına gprə, kiyevlilər hücumçu Dyemersi Mbokaniyə görə qarşı tərəfə hələ də 2 milyon avro borcludurlar. Buna görə Tedordçukun transfer məbləği belçikalılara cəmi 3 milyona başa gələ bilər.
