Azərbaycanın 2018-ci il dünya çempionatının seçmə qrup mərhələsindəki məğlubiyyətsiz çıxışını Türkiyə mətbuatı daha bir iddialı xəbərlə oxucuların diqqətinə çatdırıb.
Sportnet.az-ın məlumatına görə, tanınmış "Fanatik.com.tr" saytı Azərbaycan millisinin 3 oyuna 7 xal toplamasını "Qardaş (Kardeş) Azerbaycan fırtınası" adlandırıb.
Yazıda millimizin seçmə mərhələdəki nəticələri yer alıb. Qardaş ölkə mətbuatı Azərbaycanın bu uğurunun Türkiyədə də böyük sevinclə qarşılandığını bildirib. Bildirilib ki, millimiz tarixində ilk dəfə bu cür iddialı heyətlə dünya çempionatına getməyi planlaşdırır.
Qeyd edək ki, millimizin yer aldığı C qrupunda Almaniya, Şimali İrlandiya, Çexiya, Norveç və San marino yığmaları yer alıb. Azərbaycan 7 xalla aktivində 9 xal olan Almaniyadan sonra qrup ikincisidir.
