Bir müddət əvvəl "Neftçi"nin düşərgəsində olan Aleksandr Fertov özünə yeni komanda tapıb. Sportnet.az-ın məlumatına görə, 29 yaşlı futbolçu vətəni Latviyada çıxış edən RFS-in şərəfini qoruyacaq.
Azad aganet statuslu futbolçu ilə müqavilə müddəti açıqlanmır. Yarımmüdafiəçinin yeni komandası Latviya çempionatında 25 turdan sonra 31 xalla 5-ci pillədə qərarlaşıb.
Latviyalı yarımmüdafiəçi ölkəsində "Olimp” və "Skonto”, Ukraynanın "Sevastopol” və Polşanın "Korona” klublarında çıxış edib. O, Latviya milli komandasının heyətində 35 oyunda meydana çıxıb.
Qeyd edək ki, Fertov bir müddət əvvəl "Neftçi"nin düşərgəsinə baxışa gəlib. Lakin komandanın baş məşqçisi Elxan Abdullayev onun xidmətində maraqlı olmayıb.
