Avropa Liqasının qrup mərhələsinin III turunda İngiltərənin "Mançester Yunayted" klubu ilə qarşılaşacaq Türkiyə "Fənərbağça"sı bədbəxt hadisə ilə üzləşib. Sportnet.az-ın məlumatına görə, havada İstanbul təmsilçisini Mançesterə aparan təyyarənin ön şüşəsinə quş çırpılıb.
Bu səbəbdən təyyarə hava məkanında olduğu Macarıstanın paytaxtı Budapeşt aeroportuna məcburi eniş edib. İstanbuldan ikinci təyyarənin Budapeştə gedərək komandanı Mançesterə aparacğı bildirilib.
Qeyd edək ki, sabah keçiriləcək "Mançester Yunayted" - "Fənərbağça" matçı Bakı vaxtı ilə saat 23:05-də başlayacaq.
