Avropa Liqasında "Qarabağ"la eyni qrupda yer alan "Fiorentina” klubu İtaliya A seriyasında IX turun oyununu keçirib.
Sportnet.az-ın məlumatına görə, Florensiya təmsilçisinin "Kalyari” ilə bugünkü səfər matçında "qol yağışı” olub.
8 qolun vurulduğu matçda "Qarabağ”ın rəqibi 5:3 hesablı əzmkar qələbə qazanıb. Bu qələbədə "het-trik" edən xorvatiyalı hücumçu Nikola Kaliniç böyük rol oynayıb. Digər 2 qolun müəllifi isə Federiko Bernardeski olub.
Hazırda "Fiorentina” 8 oyundan 12 xalla turnir cədvəlində 10-cu pillənin sahibidir.
