"Ümumilikdə biz yaxşı oynadıq. Butün komanda üzvləri verilən tapşığın öhdəsindən layiqincə gəldilər. Birinci hissə daha istəkli idik". Sportnet.az-ın məlumatına görə, bunu "Kəpəz"in futbolçusu Renan da Silva klub saytına açıqlamasında deyib.
Braziliyalı müdafiəçi Azərbaycan Premyer Liqasının IX turunda "İnter"lə keçirilmiş ev oyununu belə dəyərləndirib: "Qol vurmaq üçün şanslarımız oldu. Sadəcə, epizodları lazımınca qiymətləndirə bilmədik. Fasilədən sonra isə "İnter” bir neçə vəziyyətdə qola yaxınlaşdı. Ancaq bütün cəhdlərə baxmayaraq yekunda qarşılaşma 0:0 hesabıyla başa çatdı. Qələbə qazana bilməsək də, yaxşı oyun göstərdiyimizə görə özümüzü təbrik edirəm. Belə davam etmək lazımdır".
