Türkiyənin "Beşiktaş" klubunun baş məşqçisi Şenol Günəş yeni rekorda imza atıb. Sportnet.az-ın məlumatına görə, onun rəhbərlik etdiyi komanda 12 mövsümdən sonra çempionatda ən uğurlu çıxışını nümayiş etdirib.
İstanbul təmsilçisi cari mövsümün geridə qalan 8 turunda 6 qələbə qazanıb və 2 dəfə meydanı sülhlə tərk edib.
Ən yaxşı göstərici isə Mirça Luçeskuya məxsusdur. 2003/2004 mövsümündə "Beşiktaş" Luçeskunun rəhbərliyi ilə ilk 8 turda 7 dəfə qələbə qazanmış və 1 dəfə rəqibi ilə sülh bağlamışdır.
Qeyd edək ki, "Beşiktaş" hazırda turnir cədvəlinə başçılıq edən "Başakşehir"lə eyni - 20 xala malikdir.
