Portuqaliyalı mütəxəssis Joze Mourinyo İngiltərədəki karyerası ərzində ən ağır məğlubiyyətə düçar olub. Sportnet.az-ın məlumatına görə, 53 yaşlı baş məşqçi bunu "Dumanlı Albion"dakı ilk klubu olmuş "Çelsi"dən alıb.
Cari mövsümdən "Mançester Yunayted"in baş məşqçisi olan Mourinyo IX turda "Stemford Bric"də 0:4 hesabı ilə uduzub. "Çelsi"ni 2 müxtəlif vaxtda çalışdırmış təcrübəli mütəxəssis hələ belə hesabla məğlub olmamışdı.
Ancaq bu, Mourinyonun məşqçilik karyerasında ən böyükhesablı məğlubiyyəti deyil. O, ən ağır zərbəni İspaniyada - 2010-cu ildə "Real Madrid"in "sükanı arxası"nda "Barselona"dan "El Klassiko"da 0:5 hesabı ilə alıb.
