"Düşünürəm ki, heç kim darıxmadı. Soyuq havaya baxmayaraq tribunalara xeyli sayda azarkeş toplaşmışdı". Sportnet.az-ın məlumatına görə, bunu "Kəpəz"in futbolçusu Serjio Karneyro klubun rəsmi saytına açıqlamasında deyib.
Portuqaliyalı futbolçu Premyer Lqanın son turunda Gəncədə "İnter"Lə baş tutmuş görüşdən danışıb: "Biz Gəncədə daha yaxşı oyun göstəririk. Bunun da səbəbi azarkeşlərdir. Stadiona çoxlu fanat gəlir və biz də onların dəstəyindən güc alırıq. İstəyirik ki, hər zaman azarkeşlərə qələbə bəxş edək və uğurlu nəticələrlə onları sevindirək. Oyuna gəlincə, birinci hissədə biz, ikinci yarıda isə rəqib qol vəziyyətlərindən yararlana bilmədi. Meydanda onlardan daha çox çalışdıq. Komandamızın oyunu yaxşı alındı. Qol vurmaq üçün şanslarımız olsa da, bəxtimiz gətirmədi".
