"Qəbələ"nin Avropa Liqasının qrup mərhələsində rəqibi olan Almaniyanın "Maynts" klubu bu gün Bundesliqada növbəti oyuna çıxıb. Sportbet.az-ın məlumatına görə, "İnqolştadt"la IX turun ev oyunu meydan sahiblərinin 2:0 hesablı qələbəsi ilə nəticələnib.
"Maynts"a qələbəni türkiyəli futbolçular ikinci hissədə vurduqları qollarla qazandırıblar. Yunus Mallı 51-ci dəqiqədə penaltidən hesabı açıb. Sona 5 dəqiqə qalmış isə Levin Öztunalı son nöqtəni qoyub. Bundan 1 dəqiqə sonra qonaqlar futbolçusu ikinci sarı alaraq meydandan çıxarıldığına görə matçı 10 nəfərlə başa vurublar.
Qeyd edək ki, "Maynts" 9 oyundan 14 xalla 9-cu pillədə qərarlaşıb.
