Peşəkar Futbol Liqasının prezidenti Ramin Musayev Azərbaycan Kubokunun final qarşılaşmasının ardıcıl 3-cü dəfə Əliyar Ağayevə həvalə olunmasının səbəbini açıqlayıb. Musayev Sportnet.az-a qısa müsahibəsində bu təyinatı əsaslandırmağa çalışıb...
- Biz hakimi mövsüm ərzindəki reytinqinə görə müəyyənləşdiririk.
- Reytinq dedikdə, təyinat aldığı oyunlardakı qiymətini nəzərdə tutursunuz?
- Elədir ki, var. Əliyar mövsüm ərzində ən yüksək qiymətə layiq görülmüş hakimimizdir.
- Yəni 3 il ərzində Ağayevdən başqa heç bir hakim yetişməyib?
- Yetişib, niyə yetişməyib?! Söhbət onun reytinqinin digər həmkarlarından üstün olmasından gedir.
- Axı dünyada belə bir hal yoxdur ki, eyni hakim 3 il ardıcıl ölkə Kubokunun final qarşılaşmasını idarə etsin.
- Yanılırsınız, olub.
