Azərbaycan I Divizionunun XII turunun hazırda davam edən "Zaqatala" - "Ağsu" matçından öncə meydan sahiblərinin futbolçusu Emin Mehdiyev mükafatlandırılıb. Sportnet.az-ın məmatına görə, "Zaqatala"lı oyunçu Peşəkar Futbol Liqasının keçirdiyi "Ayın ən yaxşı qolu"nun müəllifi kimi 500 manata layiq görülüb.
Mükafatı qurumun Texniki Departamentinin rəhbəri Zamiq Hüseynov təqdim edib.
Bununla yanaşı Zaqatala klubu yerli azarkeş İnqilab Soltanovu ad günü münasibəti ilə təbrik edib. Klubun Müşahidə Şurasının sədri Musa Qurbanov səbəbkara "57" nömrəli futbolka təqdim edib.
Qeyd edək ki, hazırda davam edən matçda hesab 1:1-dir.
