Bu gün futbol üzrə Çempionlar Liqasının qrup mərhələsində V tura yekun vurulub. Sportnet.az-ın məlumatına görə, oyunlar A, B, C və D qruplarında keçirilib.
Artıq formal xarakter daşıyan A qrupundakı oyunların hər ikisində qalib müəyyənləşməyib. Londondakı heç-heçə PSJ üçün səfrəli olub. Çünki frasızlar sonda da "Arsenal"la xalları bərabər olarsa, rəqib meydanında daha məhsuldar bərabərliyə (evdə 1:1, səfərdə 2:2) imza atdığına görə qrup qalibi olacaq. "Ludoqorets" da bu göstəricidə üstün olacaq. Çünki bolqarlar İsveçrədə 1:1 hesablı bərabərlik ediblər.
B qrupunda Türkiyənin "Beşiktaş" klubu Portuqaliya "Benfika"sı ilə ev matçında inanılmaz əzmkarlıq göstərib. "Qara Qartal" hesabda 0:3 geridə olduğu matçda 3 qol vuraraq qarşılaşmanı xilas edə bilib. Bu qrupda da digər matçında - İtaliyada da bərabərlik qeydə alınıb. Bu qrupda hələ də heç bir komanda 1/8 finala vəsiqə qazanmayıb və "Benfika", "Napoli", "Beiktaş"dan kimin kənarda qalacağı son turda bilinəcək. İstanbullatr autsadyer Kiyev "Dinamo"sunun qonağı olacağından işi asandır və qalib gələcəyi halda adını pley-offçular sırasına yazdıracaq.
C qrupunun lideri olan İspaniya "Barselona"sı "Seltik"i səfərdə Lionel Messinin dublu ilə məğlub edib. Bununla da Kataloniya təmsilçisi həm 1/8 finala çıxıb, həm də buna qrup lideri kimi nail olub. Çünki ən yaxın izləyicisi "Mançester Siti" səfərdə xal itirib. Ancaq bu 1 xal da Xosep Qvardiolanın komandasına 1/8 finala çıxmağa bəs edib. Çünki Mabçester təmsilçisi şəxsi oyunlara almanlardan üstün olub.
D qrupunda da oyunlar yalnız lideri və Avropa Liqasına gedəcək komandanı müəyyənləşdirmək əhəmiyyəti daşıyır. İspaniyanın "Atletiko" klubu yüzfazilik seriyasını davam etdirən yeganə komanda olaraq qalır və lider kimi 1/8 finala çıxıb. Almaniyanın "Bavariya" klubu gözlənilmədən səfərdə "Rostov"a uduzduğundan 1-ci olmaq şansını itirib. Bu qələbə Rusiyanın debütant təmsilçisinin Avropa Liqasının 1/16 finalına çıxmaq şansını artırıb.
A qrupu
23:45. "Ludoqorets" (Bolqarıstan) - "Bazel" (İsveçrə) - 0:0
23:45. "Arsenal" (İngiltərə) - PSJ (Fransa) - 2:2
Qollar: David Jiru, 45+1, Marko Verratti, 60-öz qapısına - Edison Kavani, 19, Lukas, 77
Xal durumu: PSJ - 11. "Arsenal" - 11. "Ludoqorest" - 2. "Bazel" - 2.
B qrupu
21:45. "Beşiktaş" (Türkiyə) - "Benfika" (Portuqaliya) - 3:3
Qollar: Cenk Tosun, 58, Rikardo Kuaresma, 83-pen, Vinsent Abubakar, 90 - Qonsalo Quedes, 10, Nelson Semedo, 30, Lyubomir Fejsa, 31
23:45. "Napoli" (İtaliya) - "Dinamo" (Kiyev, Ukrayna) - 0:0
Xal durumu: "Benfika" - 8. "Napoli" - 8. "Beşiktaş" - 7. "Dinamo" - 1.
C qrupu
23:45. "Seltik" (Şotlandiya) - "Barselona" (İspaniya) - 0:2
Qollar: Lionel Messi, 24-pen, 55
23:45. "Borussiya" (Münxenqladbax, Almaniya) - "Mançester Siti" (İngiltərə) - 1:1
Qollar: Raffael, 23 - David Silva, 45+1
Qırmızı vərəqələr: Lars Stindl, 51 ("Borussiya", ikinci sarı), Fernandinyo, 63 ("Mançester Yunayetd", ikinci sarı)
Xal durumu: "Barselona" - 12. "Mançester Siti" - 8. "Borussiya" - 5. "Seltik" 2.
D qrupu
21:00. "Rostov" (Rusiya) - "Bavariya" (Almaniya) - 3:2
Qollar: Sərdar Azmun, 44, Dmitri Poloz, 48-pen, Kristian Noboa, 67 - Duqlas Kosta, 35, Juan Bernat, 52
23:45. "Atletiko" (İspaniya) - PSV (Hollandiya) - 2:0
Qollar: Kevin Qameyro, 55, Antuan Qrizmann, 66
Xal durumu: "Atletiko" - 15. "Bavariya" - 9. "Rostov" - 4. PSV - 1.
