"Simurq" daha iki futbolçunu transfer edib. Sportnet.az-ın məlumatına görə, Zaqatala təmsilçisi gənc futbolçular Vadim Abdullayev və Vüqar Mustafayevi sıralarına qatıb.
Hər iki oyunçu ilə 3 illik müqavilə imzalanıb. Vadim Zaqatala təmsilçisinin heyətində 5, Vüqar isə 14 nömrəli forma geyinəcək.
Qeyd edək ki, hər iki yarımmüdafiəçi ötən mövsüm "Bakı" klubunda çıxış edib. Vadim Abdullayev Premyer Liqada 19, Vüqar Mustafayev isə 16 qarşılaşmada meydana çıxıb.
