Azərbaycan Respublikasının Prezidenti İlham Əliyev Braziliya Federativ Respublikasının Prezidenti Mişel Temerə başsağlığı verib. Sportnet.az-ın məlumatına görə, başsağlığı məktubundada deyilir:
"Hörmətli cənab Prezident,
Kolumbiyada sərnişin təyyarəsinin qəzaya uğraması nəticəsində həmvətənlərinizin həlak olması xəbəri məni son dərəcə kədərləndirdi. Bu faciə ilə əlaqədar Sizə, həlak olanların ailələrinə və yaxınlarına, bütün Braziliya xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm".
Qeyd edək ki, baş verən təyyarə qəzası nəticəsində 76 nəfərin öldüyü bildirilir. Braziliyanın "Şapokeonse" klubunun futbolçuları da həmin təyyarədə olub. Onlardan yalnız ikisi sağ qala bilib.
