Türkiyənin "Bursaspor" klubu ev oyunlarını keçirdiyi Bursa Böyükşəhər Bələdiyyə Stadionunun ad haqqı üçün Azərbaycan şirkəti ilə danışıqlar aparır. Sportnet.az-ın məlumatına görə, bu barədə klubun vitse-prezidenti Ali Ademoğlu açıqlama verib.
Klub rəsmisi yerli televiziyaların birinə açıqlamasında Qətər şirkəti ilə də danışıqların aparıldığını bildirib: "Növbəti həftələrdə Qətərə getmək planlarımız var. Görüşlər davam edir. Ancaq Azərbaycanda energetika şirkətlərinin biri ilə də danışıqlar aparırıq. Müsbət nəticələrin olması üçün çalışırıq. Dəqiq nəticə olmadan hansısa şirkətin adını açıqlamaq düzgün olmaz".
Qeyd edək ki, Azərbaycan millisinin üzvü Deniz Yılmaz bu klubda çıxış edir.
