"Trabzonspor” klubu yeni stadionuna köçmək üçün bir az da gözləməli olacaq.
Sportnet.az-ın məlumatına görə, "Adanaspor” ev matçı ilə "Yeni Akyazı” stadionuna köçməyi planlaşdıran Trabzon təmsilçisi texniki problemləri həll edə bilməyib.
Türkiyə Futbol Federasiyası (TFF) arenanın texniki hazırlığının istənilən səviyyədə olmadığını bildirib. Bundan əlavə, stadionun ətrafı da tam düzəldilməyib.
Azərbaycan millisinin üzvü Ramil Şeydayevin də formasını geyindiyi "Trabzonspor” arenanın qış fasiləsindən sonra oyunlara tam hazır olacağını bəyan edib. Super Liqanın ikinci dövrəsinə qədər isə komanda ev oyunlarını əvvəlki kimi "Avni Aker”də keçirəcək.
