Avropa Liqasının VI turu çərçivəsində "Maynts"la qarşılaşacaq "Qəbələ" klubunun səfər planı bəlli olub. Bu barədə Sportnet.az-a açıqlamasında klubun meneceri Səbuhi Səfiyarlı məlumat verib.
O bildirib ki, "qırmızı qaralar" Almaniyaya dekabrın 7-si saat 10:30-da yollanacaq. Komanda çarter reysi ilə Qəbələdən birbaşa Frankfurta yollanacaq və ordan da avtobusla Maynts şəhərinə gedəcək.
"Qəbələ" burada oyun öncəsi son məşqini keçirəcək və "Hyatt" oteldə qalacaq.
Qeyd edək ki, "Maynts" - "Qəbələ" matçı dekabrın 8-i saat 22:00-da start götürəcək.
