Daxili İşlər Nazirliyi "Qarabağ"ın qapıçısı Emil Balayevlə bağlı avtomobil qəzası barədə məlumat yayıb. Sportnet.az xəbər verir ki, məlumatda hadisənin dekabrın 7-də saat 16 radələrində Suraxanı rayonunun Əmircan qəsəbəsində baş verdiyi bildirilir.
Rəsmi açıqlamada deyilir: "Bakı şəhər sakinləri Emil Babayevin idarə etdiyi "BMW" və Əbdülbağı Bağırovun idarə etdiyi "Mercedes" markalı avtomobillər toqquşub. Nəticədə Ə.Bağırov və sərnişinləri, arvadı Günel və oğlu Xalid xəstəxanaya yerləşdiriliblər. Xalid orada ölüb, digərlərinə ilkin tibbi yardım göstərildikdən sonra buraxılıblar.
Suraxanı RPİ tərəfindən araşdırma aparılır.
