"Qalatasaray"ın futbolçusu Yasin Öztəkin Türkiyə Super Liqasının hesabat turunda "Qaziantepspor"la ev oyununda diqqət mərkəzinə düşüb. Sportnet.az-ın məlumatına görə, yarımmüdafiəçi "Türk Telekom Arena"da keçirilən matçın 12-ci dəqiqəsində hesabı açdıqdan sonra vurduğu qolu əsgər salamı ilə qeyd edib.
Bununla da Yasin şənbə günü "Beşiktaş"ın stadionu qarşısında baş verən terror, bomba partlayışı nəticəsində həlak olan polisləri yad edib.
Öztəkin həmin anda daha bir alqışalayiq hərəkəti ilə də yadda qalıb. Bu da meydanın kənarında olan iki polisi qucaqlaması olub.
