Sabah Azərbaycan Premyer Liqada ikinci dövrəyə yekun vurulacaq. Sportnet.az-ın məlumatına görə, ardıcıl kubok matçları ilə əlaqədar çempionatda 2 həfətlik fasilə arxada qalıb.
Bu ilin son turunun matçları eyni gündə keçiriləcək. Cari çempionatının startında üzləşən komandalar yenidən görüşəcəklər. Sadəcə, bu dəfə meydan sahibləri dəyişəcək.
Turun mərkəzi oyunu ən son matç olacaq. Hazırkı lider "Qarabağ" çempionluq mübarizəsində rəqiblərindən olan "İnter"i qəbul edəcək. Ağdam klubu cari çempionatda ilk məğlubiyyətini məhz "bankirlər"dən alıb. Qurban Qurbanovun komandasına qış çempionu olmaq üçün 1 xala bəsdir.
"Qarabağ"ın yaxın izləyicisi olan "Qəbələ" də evdə oynayacaq. Əslində, Roman Qriqoqrçukun komandası "Kəpəz"in qonağı olmalı idi. Sadəcə, Gəncə çəhər stadionunda meydanşanın or örtüyü ilə əlaqədar bu matç Qəbələy keçirildi. "Qırmızı-qaralar" ilk dövrədə Bakıda "Dalğa Arena"da qəbul etməli olduğu "Kəpəz"i yenə üstələyərək liderin uduzmasını gözləyəcək. Çünki yalnız bu halda "Qarabağ"la "Qəbələ"nin xalları yenidən eyni olacaq və "qırmızı-qaralar" şəxsi oyunlara görə (evdə 2:0, səfərdə 1:2) 1-ci pillədə olacaq.
"Kəpəz"in uduzmağını gözləyən "Zirə" ilə "Sumqayıt" öz aralarında oynayacaq. Qalib gələn komanda Avroliqada vəsiqə verən 4-cü pilləyə qalxacaq. Həm "Zirə", həm də "Sumqayıt" kubokda ilk oyunda böyük hesabla uduzduğundan cavab matçları formallığa çevrilib. Buna görə onlar bütün diqqətini öz aralarındakı matça yönəldəcək.
Kubokun 1/4 final mərhələsinə demək olar çıxan "Neftçi" çempionatda qalib gələrsə belə, qış fasiləsinə 7-ci pillədə yollanacaq. Eyni sözləri son pillənin sahibi AZAL haqda demək olar. "Təyyarəçilər" kubokda "Qəbələ"yə səfərdə 1:2 hesabı il məğlub olduğuna görə mərhələ keçmək şansı var. Buna görə də Tərlan Əhmədovun komandası üçün həmin oyun daha önəmli olacaq. Bu matç da qazonun vəziyyətinə görə əvvəl nəzərdə tutulan stadionda - "Bakcell Arena"da yox, "Dalğa Arena"da keçiriləcək.
17 dekabr
14:00. "Qəbələ" - "Kəpəz"
Hakimlər: Əliyar Ağayev, Rza Məmmədov, Rahil Ramazanov, Ziya Nəsirov
AFFA nümayəndəsi: Eldar Qasımov
Hakim-inspektor: Murad Məmmədov
Qəbələ. Şəhər stadionu
İlk dövrədəki oyun - 2:0
16:00. "Sumqayıt" - "Zirə"
Hakimlər: Ömər Paşayev, Mehman Mahmudov, Vüqar Bayramov, Nahid Əliyev
Əlavə köməkçi hakimlər: Rəhim Həsənov, Rəvan Həmzəzadə
AFFA nümayəndəsi: Mübariz Hüseynov
Hakim-inspektor: Kərim Ağayev
Sumqayıt. "Kapital Bank Arena" stadionu
İlk dövrədəki oyun - 1:0
16:00. "Neftçi" - AZAL
Hakimlər: Rauf Cabbarov, Mübariz Haşımov, Vüsal Qənbərov, Elman Musayev
Əlavə köməkçi hakimlər: Elvin Əsgərov, Ramil Əhmədov
AFFA nümayəndəsi: Rauf Əmirov
Hakim-inspektor: Əhmədağa Cabbarov
Bakı. "Dalğa Arena" stadionu
İlk dövrədəki oyun - 2:0
17:00. "Qarabağ" - "İnter"
Hakimlər: Fariz Yusifov, Namiq Hüseynov, Akif Əmirəli, Yaşar Abbasov
Əlavə köməkçi hakimlər: Ramil Diniyev, İnqilab Məmmədov
AFFA nümayəndəsi: Eldəniz Musayev
Hakim-inspektor: Vüsal Əliyev
Bakı. "Azərsun Arena" ("CBC Sport”, canlı)
İlk dövrədəki oyun - 1:2
