Ukrayna milli komandasının əslən azərbaycanlı olan sabiq futbolçusu Aleksandr Əliyev məşqçiliyə başlamaq istəyir.
Sportnet.az-ın məlumatına görə, hazırda klubsuz olan 32 yaşlı yarımmüdafiəçi layiqli təklif almayacağım halda karyerasını bitirmək fikrindədir: "Ola bilsin ki, məşqçilik karyeram alınacaq. Onu gizlətmirəm ki, məşqçiliyə getmək istəyirəm. Sənədlərimi təqdim edəcəyəm. Niyə də yox? Mən elan etməmişəm ki, futbolçu karyeramı bitirmək istəyirəm. Əlbəttə, təklfim var. Baxacağam ki, mənim üçün hansı yaxşıdır. Hardasa hələ oynamaq istəyirəm. Ancaq konkret heç nə olmasa, onda artıq məşqçilik lisenziyası almağa gedəcəyəm".
Xatırladaq ki, Aleksandr Əliyev son olaraq Qazaxıstanın "Taraz" klubundan oynayıb.
