"Kəpəz” Azərbaycan kubokunun 1/4 final mərhələsinin cavab oyunu çərçivəsində Gəncədə qəbul edəcəyi "İnter” ilə qarşılaşmaya hazırlaşır. Sportnet.az-ın məlumatına görə, "Qəbələ” ilə çempionat matçından sonra bir gün istirahət edən komanda üzvləri Bakıda hazırlığa başlayıb.
"Sarı-göylər” Azərbaycan Dövlət Bədən Tərbiyəsi və İdman Akademiyasının meydanında məşqə çıxıblar.
"Kəpəz” sabah Gəncəyə gələcək. Komanda kubok görüşü öncəsi sonuncu məşqinə oyunun keçiriləcəyi Gəncə şəhər stadionunda çıxacaq. Hazırlıq prosesi saat 16:00-a təyin olunub.
