Sabah Azərbaycan Kubokunun 1/4 final mərhələsinin cavab oyunları keçiriləcək. Sportnet.az-ın məlumatına görə, bu, 2016-cı ildə son matçlar olacaq. Həmin 4 qarşılaşma ölkə kubokunda yarımfinalçıların adlarına aydınlıq gətirəcək.
Əslində, iki yarımfinalçıdan indidən demək olar. Bunlar elə bir-birinə rəqib olacaq "Neftçi" ilə "Qarabağ"dır. Çünki "Zirə"nin 0:3 hesablı məğlubiyyətin əvəzini "ağ-qaralar"la səfər matçında çıxacağı real görünmür. "Sumqayıt" isə evdə oynasa da, işi daha çətindir. Çünki Samir Abasovun komandası lider, son kubokun sahibi "Qarabağ"a səfərdə 0:6 hesabı ilə uduzub. Buna görə həmin 2 dueldə qalib demək olar müəyyənləşdiyindən cavab oyunları formal xarakter daşıyacaq.
Ancaq digər 2 cütün taleyinə hələ aydınlıq gəlməyib. Bu, xüsusilə AZAL - "Qəbələ" duelinə aiddir. Çempionatda son pillənin sahibi Qəvələdə 1:2 hesabı ilə məğlub olduğundan intriqa qalır. Təsadüfi deyil ki, autsayderə lideri mübarizədən kənarlaşdırmaq üçün 1:0 hesablı qələbə də bəs edir. Tərlan Əhmədovun komandası cari çempionatda ilk qələbəni son turda "Neftçi" ilə səfər oyununda qazanması ilk növədə psixoloji baxımdan yerinə düşüb. Onu da bildirək ki, Roman Qriqorçukun komandası üçün çempionatda Şüvəlana səfər uğurusuz olub. "Qırmızı-qaralar" gözlənilmədən AZAL-la səfər matçında 2 xal itirib - 0:0.
"Kəpəz"in isə işi bir qədər çətin olacaq. Çünki Gəncə klubu səfərdə "İnter"ə qol vura bilməyib. Deməli, Şahin Diniyevin komandası yarımfinala çıxmaq üçün ilk növbədə evdə qol buraxmamalı, böyük hesabla qalib gəlməlidir.
21 dekabr (çərşənbə)
13:00. "Kəpəz” – "İnter”
Hakimlər: Rəhim Həsənov, Vaqif Musayev, Akif Əmirəli, Vüsal Qənbərov
Əlavə köməkçi hakimlər: Əliyar Ağayev, Elvin Əsgərov
AFFA nümayəndəsi: Abas Hüseynov
Hakim-inspektor: Rövşən Əhmədov
Gəncə. Şəhər stadionu
İlk oyun - 0:2
15:00. "Sumqayıt” – "Qarabağ”
Hakimlər: Rauf Cabbarov, Coşqun Həsənov, Cavanşir Yusifov, Rövşən Rəcəbov
AFFA nümayəndəsi: Məmmədəli Məmmədov
Hakim-inspektor: Füzuli Nəcəfov
Sumqayıt. "Kapital Bank Arena” stadionu
İlk oyun - 0:6
16:00. AZAL – "Qəbələ”
Hakimlər: Fariz Yusifov, Yaşar Abbasov, Elman Musayev, Mehman Mahmudov
Əlavə köməkçi hakimlər: Rəvan Həmzəzadə, İnqilab Məmmədov
AFFA nümayəndəsi: Elbrus Abbasov
Hakim-inspektor: Əli Hüseynov
Bakı. "AZAL Arena” stadionu ("CBC Sport”, canlı)
İlk oyun - 1:2
17:00. "Neftçi” – "Zirə”
Hakimlər: Ramil Diniyev, Azər Əsgərov, İsgəndər Əliyev, Ziya Nəsirov
AFFA nümayəndəsi: Ramiz Mustafayev
Hakim-inspektor: Asim Xudiyev
Bakı. "Bakcell Arena” stadionu
İlk oyun - 3:0
